Por quinto ano o Trail Monte Pindo reta a corredores de toda Galiza a unha das probas galegas máis duras nesta disciplina. E nada menos que 316 persoas recolleron a luva e inscribíronse no único Trail que coroa o Monte Pindo, e que percorrerá máis de 23 km polo corazón do Olimpo Celta, con pendentes de ata o 30% e os sempre tan esixentes descensos.Monte Pindo e GMTA, coorganizadores da proba co apoio do Concello de Carnota e de Augas de Mondariz, achegarán máis dunha vintena de voluntarios para que todo saia perfectamente e que as únicas sorpresas se vexan nas táboas clasificatorias. Ás 11 horas do sábado reuniranse na Solaina para repartir os cometidos de organización.
Agardamos ver moita xente no Pindo este sábado a partir das 17:30h apoiando estas e estes 316 valentes.