![]() |
O Parque Natural do Monte Pindo estivo presente nas mensaxes dalgúns candidatos durante esta campaña |
A Asociación Monte Pindo Parque Natural non é en absoluto allea a este proceso, pois a declaración do Monte Pindo como Parque Natural, o noso leit motiv, tamén se xoga o 21 de outubro: a Xunta de Galiza é a institución coas competencias exclusivas para efectivizala ou non.
Por iso a Asociación Monte Pindo Parque Natural fai un chamamento a un voto crítico pensando tamén no futuro do Olimpo Celta e do seu entorno. Para dar suficientes elementos de xuízo analisamos as propostas de todos os partidos políticos sobre o Olimpo Celta en particular e sobre o medio ambiente galego en xeral, especialmente no referido aos espazos naturais protexidos. Ao Xigante da Mina tamén lle afecta o que votemos o domingo!
Partido Popular (PP)
- Candidato á Xunta: Alberto Núñez Feijóo (Ourense)
- Candidato máis cercano: Nº 15. María de la Soledad Piñeiro Martínez (Carnota)
- Resultados no 2009: 789.427 votos (38 escanos)
- Apoiou antes desta campaña a declaración do Monte Pindo como Parque Natural? Non. Malia que persoas do PP con responsabilidade nesta materia recoñeceron en privado a membros da Asociación a necesidade de declarar este espazo como Parque Natural, en público o PP nunca se significou a favor e de feito chegou a empregar a súa representatividade no Parlamento para frear os intentos da oposición para que se declarara o Monte Pindo como Parque Natural.(ver video)
- Comprometeuse nesta campaña a declarar o Monte Pindo como Parque Natural? Non.
- Que di dos espazos naturais protexidos no seu programa electoral? No relativo aos espazos naturais galegos no programa do PP destacamos as seguintes medidas: Ampliación da Rede Natura 2000. Ampliación do Plan Reitor de Uso e Xestión do Parque Nacional das Illas Atlánticas e unha nova orientación do seu uso público. Aprobación e implementación dos plans de acción das Reservas da Biosfera. 3. Dotación da Rede de Espazos Naturais dos correspondentes Plans de Ordenación dos Recursos Naturais que permitirán organizar dun xeito sostible a conservacións dos recursos e valores naturais cos usos do solo e o correcto desenvolvemento das actividades humanas. Elaboración do Plan de xestión de humedais de importancia internacional RAMSAR. Plan estratéxico director para a optimización socioeconómica das áreas de influencia dos parques naturais de Galicia.
![](https://blogger.googleusercontent.com/img/b/R29vZ2xl/AVvXsEgl9j_1j1tArsbHMCQaR7-aE5ErsFxq4qcJv_H65vrInulqSf5pg9zP-e1ZGkDa_f4m_cFhT__73w57Gs0G7qp-S92eRjZcpbKdpBnB67NMzcKCTq1DeRrCmvJBSLkQokpo9K962hZ9xcc/s200/PP.jpg)
Partido Socialista Obrero Español (PSdeG-PSOE)
- Candidato á Xunta: Manuel Vázquez Fernández (O Carballiño, Ourense)
- Candidato máis cercano: Nº 1. Francisco Caamaño Domínguez (Cee, con ascendencia carnotá)
- Resultados no 2009: 524.488 votos (25 escanos)
- Apoiou antes desta campaña a declaración do Monte Pindo como Parque Natural? Si.
- Comprometeuse nesta campaña a declarar o Monte Pindo como Parque Natural? Non.
- Que di dos espazos naturais protexidos no seu programa electoral? O programa do PSdeG conta cun apartado dedicado aos espazos naturais protexidos, do que destacamos: "E necesario ampliar a rede de espazos protexidos, recuperando a proposta de chegar ao 18% do territorio protexido pola Rede Natura 2000. Na mesma liña, establecemos máis mecanismos de “custodia do territorio”. Queremos comprometer a creación do Parque Natural Ancares- Courel, entre outras figuras de protección."
![](https://blogger.googleusercontent.com/img/b/R29vZ2xl/AVvXsEgX3Pom0-zBJrilPWuG161VyTVn08-ZIJYOZ7DwdxZN0iAHHty2MjAuEMXqyqfN89prS61dvgqZAcWokn5_pZqPf393-m3Hkb7z9UiF-iSzTCVeuWCC6xiTm5m1ML6ITIhXm7k5qmkFkvo/s200/psoe.jpeg)
- Candidato á Xunta: Francisco Jorquera Caselas (Coruña)
- Candidato máis cercano: Nº 10. Modesto Fraga Moure (Fisterra)
- Resultados no 2009: 270.712 votos (12 escanos)
- Apoiou antes desta campaña a declaración do Monte Pindo como Parque Natural? Si.
- Comprometeuse nesta campaña a declarar o Monte Pindo como Parque Natural? Si, tanto no seu programa como na reunión celebrada coa nosa entidade.
- Que di dos espazos naturais protexidos no seu programa electoral? O programa electoral do BNG conta cun apartado dedicado aos espazos naturais, coas seguintes iniciativas: "Elaboración unha nova política de xestión dos Espazos Naturais Protexidos (ENP) que teña como eixos vertebrais a súa ampliación, a conservación e a restauración dos seus valores naturais, a participación dos residentes e a elaboración de plans de uso de xestión e de desenvolvemento económico sustentábel, en beneficio da poboación residente.Ampliación da Rede Natura, especialmente en lugares singulares como o a inclusión da Serra do Galiñeiro no Parque Natural do Aloia. Avaliación do estado de conservación da Rede Natura e desenvolvemento de actuacións para restaurar zonas deterioradas. Ampliación territorial do Parque Nacional das Illas Atlánticas e definición de novos plans de uso e xestión, así como o impulso dunha política que permita que a totalidade das illas galegas sexan de titularidade pública. Declaración do Monte Pindo como Parque Natural."
- Candidato á Xunta: Xosé Manuel Beiras Torrado (Compostela)
- Candidato máis cercano: Non consta ningún da zona da Costa da Morte.
- Resultados no 2009: Non participou.
- Apoiou antes desta campaña a declaración do Monte Pindo como Parque Natural? Non. Si o fixeron por separado dúas das organizacións que conforman a coalición, EQUO e EI.
- Comprometeuse nesta campaña a declarar o Monte Pindo como Parque Natural? Non.
- Que di dos espazos naturais protexidos no seu programa electoral? O seu escueto programa non ten ningunha referencia a cuestións relativas ao medio ambiente.
![](https://blogger.googleusercontent.com/img/b/R29vZ2xl/AVvXsEgH530R8Q5L9EphMM7er7STbRYBMKGcQTwFRITSHjZnbOtVy8RiRtcRfagjbKiv0legWA22US5zHfYqAme49P2lvxViPcZVtRIUU5xsKrxtPW8eijeakKelTMxQioiSNqZk_URKyVS6VMo/s200/AGE_1-300x252.jpg)
Compromiso x Galicia (CxG)
- Candidato á Xunta: Xoán Carlos Bascuas Jardón (Rüsselsheim, Alemaña)
- Candidato máis cercano: Nº 9. Daniel Oca González (Cee)
- Resultados no 2009: Non participou.
- Apoiou antes desta campaña a declaración do Monte Pindo como Parque Natural? Non.
- Comprometeuse nesta campaña a declarar o Monte Pindo como Parque Natural? Si, mediante unha mensaxe por Twitter.
- Que di dos espazos naturais protexidos no seu programa electoral? Do programa electoral destacamos o seguinte apartado: "Ampliar a cativa rede de parques naturais (comezando pola declaración do Macizo Central Ourensán, Os Ancares e O Courel, no primeiro ano da lexislatura) garantindo os medios adecuados para a súa xestión e ampliar o Parque Nacional das Illas Atlánticas. É imprescindible a creación de liñas de axuda económica (subvencións, créditos brandos, desgravacións fiscais na cota autonómica) para o desenvolvemento sustentábel nos espazos da Rede Natura 2000, así como un programa de adquisición de terreo de especial interese natural, aberto á colaboración/participación de particulares e asociacións."
![](https://blogger.googleusercontent.com/img/b/R29vZ2xl/AVvXsEinMuhi8hfeh8Zdr7NWD6gkReO3vRlnj6DQ8R6L6pwLTRNt7HoT21XvCoX1U_-r21WYpq87xn3mijqbjH5GYuDT0YbyoOfDLJgJjUu06kcP4HjhTHehCBBPqbXOk5e60O53v_jJuybjFpA/s200/ee9d7c8577ef27c2d3857bb3b5914908.png)
Unión Progreso y Democracia (UPyD)
- Candidato á Xunta: José Canedo Santos (Val do Dubra)
- Candidato máis cercano: Non consta ningún da zona da Costa da Morte.
- Resultados no 2009: 23.796 votos (0 escanos)
- Apoiou antes desta campaña a declaración do Monte Pindo como Parque Natural? Non consta.
- Comprometeuse nesta campaña a declarar o Monte Pindo como Parque Natural? Non.
- Que di dos espazos naturais protexidos no seu programa electoral? O programa electoral conta coa seguinte proposta: "Revisión de los planes de ordenación de los espacios naturales protegidos, así como la ampliación de la Red Natura 2000."
![](https://blogger.googleusercontent.com/img/b/R29vZ2xl/AVvXsEgeogA2e6y7GeSWvHiKInFMDGJNfh4Lp7lgjIO9hVIRXZZjqaaYIyq1MXqCzU3kbdtPPzCMY_mcFLwCuxSlxqAFDgv4LY-Iq7hh33RkPJaVwba6g5C4YQNu0MwW7c5TLjXGUnLRdJ26ZsQ/s200/upyd.png)
Outras
Existen formacións políticas sectoriais ou locais que xa se teñen apoiado a declaración do Monte Pindo como Parque Natural, e que sería inxusto obviar neste artigo: Partido da Terra e Colectivo Nacionalista de Marín.