![](https://blogger.googleusercontent.com/img/b/R29vZ2xl/AVvXsEjip-7ZIr2FqqyPaF4UGd3J87OjffpM-qzI3nwQ-U9XA5-KlPLY_PF-PnIYBN6DwGuYgYwY6ohahWbSOgK4UuDNUsFrVuQXh26wCVEzSQEY5HTMbf14ZmfxcGX0zApTDWUuF7L6APR7j_Y/s200/IMG_6783.JPG)
Hoxe cúmprense 1.000 días do
devastador incendio declarado o 11 de setembro de 2013, que rematou devastando 2.500 hectáreas de espazo natural que inclúen a integridade da superficie proposta á Xunta para acoller o séptimo parque natural galego, e o primeiro da Costa da Morte. Mil días en que as medidas de restauración desenvolvidas pola entidade xestora do espazo, a Xunta, non só foron completamente insuficientes, senón que mesmo
vetaron medidas que desde a sociedade pretendían suplir ese baleiro, coma a iniciativa
SOS Monte Pindo.
![](https://blogger.googleusercontent.com/img/b/R29vZ2xl/AVvXsEi1L_pcq0ytN22fotoPmCxOLCusMRAKcofIBjKvX3wDo0sQ1vWDDIBHCCESll6MyFOjh-zRnKnY604RfEehk6QghnRY2Vi8OyYVVJXDIgVaez_e6erQFEB6GuUCjK2ihtqzpe5qbQGkB8w/s200/IMG_6789.JPG)
Hoxe en día, coma a natureza é sabia reclama o terreo que lle foi arrebatado, o verde recuperou a súa predominancia sobre o negro. Sen embargo, 4 especies arbóreas invasoras aproveitan as pésimas condicións do espazo para medrar absolutamente descontroladas por doquier, colonizando centos de hectáreas. Trátanse da
acacia (
Acacia dealbata), a
acacia negra (
Acacia melanoxylon), a
albicia (
Paraserianthes lophantha) e o
eucalipto (
Eucalyptus globulus), que están a infestar a un ritmo imparábel as zonas queimadas do Monte Pindo e aledaños, estendéndose descontroladamente desde as zonas baixas e habitadas, ladeira arriba. No caso do eucalipto tamén están colonizando as cotas altas e inaccesíbeis. Cada semana que pasa é moito máis dificil erradicalas, pola maior superficie que afectan, as maiores dimensións que acadan e a crecente dificultade de acceder ás zonas afectadas con medios mecánicos. Ademais, este mes entramos nun momento crítico pois varias destas árbores producirán inflorescencias e dispersarán millóns de novas sementes que, empurradas polo vento, colonizarán zonas novas sen apenas oposición. Nunha situación extrema atópase o
carballo anano, que só podemos atopar no Monte Pindo, e en cuxo único hábitar está a sufrir a competencia dunha praga do eucalipto. Pero
diso xa levamos anos alertando.
![](https://blogger.googleusercontent.com/img/b/R29vZ2xl/AVvXsEiYLvn8LtR-9GRfZviXgLuGso_PPcf7anUpY1xey8mBQCi8i9tqVJeDeNreqUWZKCKP9VRbwF47AusXSUhGrdp8JE8eqRUJ5NGOcnIecakcRoVI2AGxPQUAxUvYeIoWOz42pA1kXTSF7ew/s200/IMG_6796.JPG)
A Asociacion Monte Pindo reclama á Xunta que comecen a obrar de inmediato na erradicación urxente das especies descritas, e nomeadamente as poboacións de acacias e albicias presentes nas ladeiras do Monte Pindo que dan a San Cibrán, Quilmas e ao sur do Pindo, antes de que florezan e agraven aínda máis a situación. Se deciden facelo terán toda a nosa colaboración.
Monte Pindo colabora coa USC nun estudo europeo para investigar as consecuencias do lume de 2013
![](https://blogger.googleusercontent.com/img/b/R29vZ2xl/AVvXsEjz53cq_-hwa6adgX6adqo0hs27j7niSpMes0DHae3QOyfWu9T5PywyZMCwtdeAxLhiChfKScDv2ljIDG19QeGCHGtZksugj-72VIVh9eCGIjpHfdGnRbynfT6uYDaTlY_42S8UBRqTZhY/s200/SKM_C284e16060709500_0001.jpg)
Esta semana o
Grupo de Ecoloxía do Lume (GEFUSC) da
USC e a
Asociación Monte Pindo Parque Natural acordaron colaborar no
GESFIRE, un estudo científico de financiación estatal e europea que investiga as consecuencias que o incendio de 2013 sobre o Monte Pindo a través do estudo de varios indicadores naturais, un estudo científico que está a desenvolverse simultaneamente en espazos naturais queimados en distintas partes da Península Ibérica, e que
tamén anunciou recentemente que detectaron un forte incremento das especies invasoras no Monte Pindo.
![](https://blogger.googleusercontent.com/img/b/R29vZ2xl/AVvXsEg0RruNyoAJ0Htas7HhyFxUYjZuCdFuOrh7N5ZaNi0AjaMfmXsUj6QqIcyVTO48RLNtSI2zHUuVQIsS4uWrjrVd7_Cvey2YAAgLvZzZERNPsmpHbDeL0uv3D2O3sLviSS57pfN4XrEjjdo/s200/SKM_C284e16060709510_0001.jpg)
Froito desta colaboración o GEFUSC, representado polas profesoras Otilia Reyes e Mercedes Casal, comprométese a compartir os datos e resultados froito das súas investigacións coa entidade veciñal e tamén o compromiso de colaborar coa identificación e eliminación de especies invasoras. Pola súa parte a Asociación Mone Pindo Parque Natural, representada polo secretario Mario Maceiras a quen lle amosaron as instalacións e os laboratorios do proxecto, comprométese a colaborar e cede desinteresadamente á USC o
Catálogo de Especies do Monte Pindo (CEMP), un inxente traballo de inventariado da biodiversidade presente neste espazo natural, o único que conta cun estudo destas características feito desde a sociedade e en permanente revisión, e que na actualidade xa inclúe
preto de 700 especies das que unhas 150 contan con algún nivel de protección segundo a lexislación vixente.
![](https://blogger.googleusercontent.com/img/b/R29vZ2xl/AVvXsEgvYcZFChA8esMplpU6Iq86PdbB1OnK2FqFulKYBPbg2fn2ivQdEexuDwv3AyDZWsgUAfkkIRnCY4_NvMzgbXHCz3WWWQUx-7xLBpXyj9fG979iA3nokL-2ULxKDNTrwQ9MS_6H_Ek2eQE/s400/IMG_20160603_173441.jpg) |
Mercedes Casal, Mario Maceiras e Otilia Reyes |