Hai un mes a Asociación Monte Pindo pediulle a Hernández unha reunión de urxencia para prevenir isto, sen resposta
![](https://blogger.googleusercontent.com/img/b/R29vZ2xl/AVvXsEh3Xoso9iSmwg0GsAzGT_hC9oM1meNCC05yptjXkbI27UM4i9YILovB7ge5ZkPWfR3p4JnoZ-iUdNwEoJvGAh-tLtiZ9c0lbKt3z15ZNyQHOv1Hz09H5mDjaWIRaPUHnjMbIO7J3pO1sgU/s200/1376477_453572954760467_455357287_n.jpg) |
Torrencial de auga en Caldebarcos |
O domingo o río e a enseada do Ézaro xa comezaba a adquirir un surrealista tono marrón chocolateado debido ao comezo de arrastres das cinzas e terras que a chuiva está xa a desprender das ladeiras do Monte Pindo. Onte auténticos torrenciais de auga contaminada arribaron tamén ao lugar de Caldebarcos, confirmando o que todos temíamos e o que a Asociación Monte Pindo levaba avisando desde o día cero da catástrofe que vivimos a partir do 11 de setembro.
![](https://blogger.googleusercontent.com/img/b/R29vZ2xl/AVvXsEgUdZ28bc4xm924j5XQkTRz9rpJYo__A27bcLgHFX5i14PYHmi53NKmpLXj6qRGz1tA60LiqZluDiU1IwKuRxdw2Aw3jB_2O-wFxE2ulGSdrxM-H_uwJ9QH2i64E2neMTQ2cyJdgDMgAYo/s400/130920Reunion.PNG) |
Reunión solicitada pola AMPPN á CMATI o 20 de setembro |
![](https://blogger.googleusercontent.com/img/b/R29vZ2xl/AVvXsEhN3hmM1WC8Jvs7LmK1MIA3MVGYIXjPQAUFR_1s_21FM60hS6cFnif033RRcjMPGXvdyMzQHD9J3_VRv98xhRfR4GtxwsRxHyno_B0TSCtvmJG54Ti3D2gk2GfDBmlD3307nY8OjdKTbpI/s200/1377227_656002181100511_438615301_n.jpg)
A Xunta fixo caso omiso tanto das reunións que lle solicitamos entidade e concello para facer fronte a esta problemática que se aveciñaba de xeito inminente, e que hoxe se fixo realidade con prexuízos aínda por valorar tanto a veciños e sectores produtivos pesqueiro e marisqueiro como ao propio ecosistema, pois debemos lembrar que nun macizo granítico as capas de terra son pouco profundas e a súa erosión pode ter consecuencias irreversíbeis ou incluso provocar a perda definitiva dun delicado tapiz vexetal construido durante millóns de anos que albergaba -como mínimo- a vida de 646 especies, 100 delas protexidas.
![](https://blogger.googleusercontent.com/img/b/R29vZ2xl/AVvXsEi4UdXSKlRn8ZNrueHh60Vi948S001up-zUvItGL7HEnHrE1vsLpp93ZlC1HlcGjeVmmkgY1E1CZXQ5b4-jtvGPp3_5L4gI2R1d-ANe5MXapLWKcD2fA-ktTFE3Y6skYiTenxpBeIhkoXM/s200/1380786_453572988093797_1321618593_n.jpg)
Sen embargo, si estimaron a medida que lle solicitamos no punto 4 daquela solicitude, a estabilización do solo mediante a distribución de palla, que lanzaron desde un helicóptero privado balas de palla sobre 4 das 2.500 hectáreas arrasadas polo lume, o 0,16% da superficie. Pero só se trataba dun espectacular paripé na busca do titular, pola zona "tratada" non apareceu ninguén para extender a palla e para colmo destas actuacións non se lle avisou a ninguén, nin sequera ao concello e ás forzas de seguridade para que puideran acordonar cando menos as zonas de carga e descarga e evitar o risco de que alguén resultara ferido. Tres días despois, cesou a actividade incluso antes de esgotar toda a palla almacenada no mirador de Louredo, que segue abandonada ali.
![](https://blogger.googleusercontent.com/img/b/R29vZ2xl/AVvXsEhePPexxQEuFQA6D5iEFFqmxOpe-qMpjfhNoOrPXBpoIcablAMCS7_EheE7rOzlE3oKVVoppw1GwqnN_cgY6v_FHnkPNQq_eBFsBmHUtf0LG_26V2tGRwbgjHZzOk9bInk9qcabDsjgp3Q/s400/Palla.jpg) |
Área "tratada" con palla pola Xunta en relación ao total ardido |
![](https://blogger.googleusercontent.com/img/b/R29vZ2xl/AVvXsEgUbTAfHp1YmXpGeQL_J17dLyzQIz_Jc1C37dvsX1dqQ148owguuXh1C7yCMEIJPUaZWzi95MXLquv8Z-MwB_BAWjgEIowJEreRCgUM3Kes84uzS4UZcxlpDvUy3KRMh3o3yT7zulBKHac/s200/1391596_656001121100617_1880017830_n.jpg) |
Cinzas na praia do Ézaro |
A Asociación Monte Pindo Parque Natural esíxelle a Xunta de Galicia que cese coa súa actitude de desprezo aos veciños e cando menos acepte coma interlocutor senón a nós cando menos ao Concello de Carnota, quen lembramos é titular do Monte Pindo e debe ser informado de calquera actuación que se leve ali. Desoindo á veciñanza o noso goberno está a actuar dun xeito totalmente irresponsable e neglixente, o que só podemos explicar como unha vinganza pola avalancha de críticas á Xunta por ter feito caso omiso ás miles de voces e 169 entidades que lle reclamamos sen éxito que declarase o Parque Natural cando estábamos a tempo de actuar, e cuxas funestas consecuencias podemos ver todos hoxe.