![](https://blogger.googleusercontent.com/img/b/R29vZ2xl/AVvXsEglU4pqZJ05yHZA4U-PxlD3rB4sa8fYAkW2OuhPImDAwE74FZOKnQfY8N8XzSLLmHBdCM-KQj1ktugx_edoz7QLFqHTqiZDnyjXXPTscV9wJ0qAGr2vYngyVwkhfnk2It1KAKtAfnpOCRY/s320/1383103_440169599427559_1817239107_n.jpg)
A votación segue aberta e para participar hai que contar con perfil en Facebook, e acceder a esta ligazón. Ademais, polo simple feito de participar na votación éntrase no sorteo dun lote de productos lácteos galegos para unha familia ao longo dun ano. Arestora a Asociación Monte Pindo Parque Natural lidera a votación por unha escasa marxe.
Esta Asociación xa ve nesta nominación un premio en si mesmo e un recoñecemento a 3 anos de duro traballo, loitando contra os elementos. Desexámoslle a mellor das sortes aos restantes nominados, o Clube de Xadrez Cabo Touriñán e a Asociación Asalto ao Castelo de Vimianzo, e agradecemos tamén á Radio Nordés (Cadena SER) que nos fixeran merecedores desta distinción, e aproveitamos para saudar a dilatada traxectoria e o traballo -en galego- desta emisora sen a que a Costa da Morte non sería o que é.